由細到大一直都不太喜歡自己下半面的部份，因為一直覺得笑起上來唔夠靚(天生完美主義者)，加上因小時候支氣管炎，要食抗生素令到牙齒有一粒細細粒既牙石，所以平時影相時都唔會露齒笑，笑既時候一定會搵隻手遮住，因為驚比人見到。
自從開始出來工作，先知道完美笑容係有幾重要，加上工作關係，要經常接觸唔同既人，真係好難可以避開唔笑，所以我決定!要係25歲前，送一份禮物比自己- 就係Perfect Smile!
小妹一直好怕睇牙，因為童年陰影，令我覺得好痛><所以係睇牙前做足資料搜集，問左好多個朋友，最後我揀左陳醫生，一來朋友介紹信心都大啲，二來因為係旺角，好近我office，覆診都方便啲J
一去到診所，環境好舒服，護士都好有禮貌(唔係牙科保健啲恐怖護士)，等左大概5分鐘左右就到我啦，一入去張紫色櫈好靚(紫色控又發作)，我首先講一次自己牙齒情況比陳醫生聽，然後佢就開始幫我檢查啦!!好彩冇發現蛀牙，而我只需要漂牙同補返牙石位置就可以令到牙石消失!!!Yeah!!
不過醫生還建議我進行Invisalign療程改善我牙齒向前傾和下半面突起既問題，加上我知道箍牙有機會改善面形同減淡虎紋。不過都比大家睇下我宜家啲牙既情況先，本身上排牙都算整齊，不過下排就有一隻唔整齊，好難清潔，所以箍牙另一個原因就係為左牙齒健康，因為清潔唔到會有機會引起蛀牙，如果係前面有蛀牙真係好醜樣！
正面
側面
所以我就超勇敢!!接受醫生建議，不過重點是因為之前見朋友箍完牙靚好多!!!!!所以信心即時倍增!!首先陳醫生詳盡解釋Invisalign隱適美原來係一種透明同可以自己拎出來既「隱形牙箍」，慢慢會將啲牙變返整齊同時可以將我突起既下半面收返入去(心心眼)，加上透明設計唔駛驚工作時比人發現，仲有美國FDA認證，就放心晒啦!唔駛做鋼牙妹，食野又唔駛就住，之前見到朋友箍鐵線，連食野都唔敢，驚污糟痴住啲食物，食完就即刻刷牙，勁唔方便!同埋真係好慘><食野係小妹人生第一興趣，如果要就住就住，真係連諗都唔敢諗……
好啦!!開始!!第一步就係印牙模，上下牙齒各印一次，不過記住千其唔好郁….因為一移位就要從頭來過….
然後影返相就去照X光啦，以下就係我個X光圖，好多隻牙=
=!!
連智慧齒都有4隻，我真係好有智慧Hahaha!醫生建議我接受3年既Invisalign療程，而我係要剝8隻牙，分別係4隻智慧齒同4隻普通牙，其實一般Invisalign療程可以唔剝牙，就連爆牙都可以變返整齊，但係因為我本身啲牙都算整齊，所以要剝牙先可以改善面形，好期待剝完牙之後既面形(心心眼)，我覺得自己好變態…….完成以上步驟就會將我個牙模同X光一次過送去美國Invisalign總公司，等三星期就有一個獨一無二屬於我既3D模擬圖啦!!好緊張呀><雖然我聽到要剝咁多隻牙，真係好驚，問左至少10次「醫生，痛唔痛呀?真係唔痛?」，但陳醫生不斷安慰我，話比我聽唔痛，剝牙過程都係大概一個鐘左右，加上佢好細心講整個療程我聽，令我可以放心，話晒咁大個女第一次自己決定咁大件事，所以一定要問清楚!!之後就同護士約時間啦，好期待下次5月再見到陳醫生J
沒有留言:
張貼留言